Talomo PNP: Foot patrol sa mga police gipakusgan

Davao City – Gipakusgan sa Talomo Police Station ang foot patrol ngadto sa kapulisan sa ilang area of responsibility (AOR) isip kabahin sa hugot nga gipatumang Patrol sa Rehiyon Onse subay sa mandato gikan sa Police Regional Office (PRO-Xl).

Sa interbyu DXDC RMN Davao kang Police Major Noel Villahermosa, Station Commander sa Talomo Police Station, gisulti niini nga 24/7 ang kapulisan nga nakabantay og magpatrolya sa gawas.

Segun ni Villahermosa, gawas sa gilusad nga foot patrol sa mga personnel lakip gi-deploy ang mga mobile patrol, mga pulis nga naka sibilyan ug mga intelligence personnel nga nagamonitor sa ilang AOR ug pagbutang og mga pulis sa crime prone area.

Gipasabot sa opisyal, sa mga crime prone area adunay mga pulis sa insaktong oras o crime clock nga sagad mahitabo ang krimen. Pinaagi niini masanta ang mga maghimo sa krimen.

“Sa atoang publiko,ang atong kapulisan sa Talomo Police Station, 24/7 na andam moserbisyo kun naay mga concern tawag lang o moadto personal sa estasyon aron atoang maaksyonan dayon,”sulti ni Villahermosa.

RadyoMaN Don Pulayao