Tatay ginlabo kag ginlampusan sang bato sang iya bata sa ulo.

15
Scratched red oval stamp with the words - the police - illustration

Landing sa ospital an gang 60anyos nga amay matapos makaangkon sang pilas sa ulo kag iban nga parti sang iya lawas tuga sa pagpanglabo kaina sang kaagahon sa sulod sang iya puluy-an sa Purok 1-A, Barangay Landan, Polomolok, South Cotabato.
Ginkilala ang biktima kay Victor Azucena Dario Jr, 60anyos, kasado, mag-uuma samtang suspek naman ang iya sini bata nga ginkilala kay Jay-R Delacruz Dario, 28anyos, soltero habal-habal drayber pareho residente sang nasambit nga lugar.
Sa imbestigasyon sang awtoridad, nagpauli ang biktima nga may kaupod nga iban nga babaye rason nga ginkaakig naman sang iya bata.
Ginkuhaan sang suspek laragway ang amay sini upod ang babaye rason nga ginkaakig naman sang biktima tubtub naglab-ot sa pagsabtanay.
Gilayon naman nga ginkuha sang suspek ang lagaraw kag ginlabo ang biktima sa ulo kag ginlampusan pa ini sang dako nga bato.
Matapos ang insidente nagpalagyo ang suspek samtang gindala naman sa ospital ang biktima kag yara na sa maayo nga kahimtangan.

Facebook Comments