TFD: Seguridad sa Davao gipahugtan subay sa bus explosion sa Maguindanao

51
Davao City – Gihugtan pa sa Joint Security Forces ang pagbantay sa seguridad sa syudad sa Davao ilabina sa mga border control points human sa nahitabong bus explosion sa Purok Nangka, Barangay Making, Parang, Maguindanao niadtong adlawng Dominggo (April 24, 2022).

Matud ni Task Force Davao Commander Col. Darren Comia, gipasalig nila sa security sector nga dili makasulod ang mga terorista ug dautang elemento nga adunay planong dautan sa dakbayan.

Nakigkoordinar ang Task Force Davao sa intelligence community ug sa ilang counterparts sa Central Mindanao.

“I assure the general public na patuloy na gumagawa ng paraan ang inyong joint security forces na makita ang mga bagay na kakulangan para ng sa ganon na mapunan natin at ma-ensure na walang makakapasok, walang makakapunta o even an act of terrorism hindi mangyayari dito sa Davao City,” sumala niini.

Gibutyag ni Comia, walay specific threat ang dakbayan apan giawhag niini ang publiko nga ipatuman ang culture of security ug ireport kung adunay mga suspisyusong indibidwal, aktibidad o butang sa palibot.

Sa report sa mga awtoridad 6 ka mga pasahero ang angol sa pagbusikad sa likod nga bahin sa Rural Transit Bus tungod sa gibilin nga improvised explosive device (IED).



Gikondena ni Joint Task Force Central Commander Major General Juvymax R Uy ang pagpamomba.

Na-diffuse gilayon sa EOD Personnel ang secondary IED, samtang narekober ang nagkadaiyang components sa nibusikad nga IED sama sa nabungkag nga parte sa cell phone, blasting cao, ruptured 9-volts battery, lansang ug mga parte sa electronic circuits.


RadyoMaN Aimee Guinita

Facebook Comments