
Napili ni Pangulong Ferdinand Marcos Jr., si Supreme Court Associate Justice Rodil V. Zalameda bilang susunod na Punong Mahistrado ng Korte Suprema.
Papalitan ni Zalameda si Chief Justice Alexander Gesmundo na magreretiro bukas, Nobyembre 6.
Ayon kay Presidential Communications Office Secretary Lino Cayetano, mahigit tatlong dekada nang naglilingkod sa hudikatura si Zalameda.
Nagsimula siya bilang court official at public prosecutor bago nagsilbi sa Court of Appeals at kalaunan ay naging mahistrado ng Korte Suprema.
Umaasa ang Pangulo na gagampanan ni Zalameda ang tungkulin nang may integridad, pagiging patas at paninindigan sa rule of law.
Kasabay nito, pinasalamatan ng Malacañang si Gesmundo sa kaniyang serbisyo sa hudikatura at sa bansa.
Facebook Comments










