TMU, i-rekomendang ipakansela ang lisensya sa motoristang nakabangga ug siklista

11

General Santos City—Plano karon sa Traffic Management Unit kon TMU nga i-rekomendang ikansela o ipa- revoke ang lisensya sa motoristang si Kevin Ronnie Basan, 35 anyos, nga taga Purok Quilantang, Barangay Calumpang kansa nakabangga patay sa siklistang si Junior Rizaldo Candelario Barril, 45 anyos nga taga Purok Magnolia, barangay Calumpang, Gensan.

Matud ni Police Senior Master Sergeant Jose Simbrano, Imbistigador sa Traffic Management Unit nga sila magpahigayon ug lawom nga imbistigasyon kalabutan sa maong insidente ug kung mapamatud-ang hubog ang suspek dihang nahitabo ang disgrasya sa kadalanan, ilang idayon ang pagrekomenda nga i-pakansela ang lisensya niini.


Nasayran nga dihang ilang gipahigayon ang inisyal nga imbistigasyon sa lugar asa nahitabo ang pagbangga sa motorista sa siklista nanimaho matud pa ug ilimnong makahubog ang driver sa motor timailhan nga nakainum ang nasampit.

Dugang pa ni Simbrano nga dili ikalilong nga sagad sa mga nalambigit sa disgrasya sa kadalanan kining mga driver nga nagmanihong hubog sa ilang mga sakyanan.

Kahinumduman nga nahitabo ang pagpangga sa suspek nagdto sa biktima sa may Carmen Ville, Barangay Calumpang niadtong nakalabayng gabie.

Facebook Comments