Sa San Carlos City, naaresto sa bisa ng warrant kaugnay ng kasong murder ang Top 4 Regional Most Wanted Person na isang helper at residente ng lungsod.
Samantala, sa Lingayen, matagumpay ring naisagawa ang buy-bust operation ng mga awtoridad. Sa operasyon, naaresto ang isang lalaking itinuturing na High-Value Individual at ang kaniyang babaeng kasama, na kapwa residente ng Binmaley, Pangasinan.
Nakumpiska sa mga suspek ang tinatayang 40 gramo ng hinihinalang shabu na may tinatayang Standard Drug Price na P272,000. Nakalagay ang mga ito sa limang heat-sealed transparent plastic sachet.
Kasalukuyang nasa kustodiya na ng kani-kanilang himpilan ng pulisya ang mga naarestong indibidwal para sa dokumentasyon at kaukulang legal na proseso. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
