Tor Bagtik andam atubangon ang kaso batok kaniya

Davao City – Andam nga atubangon ang kaso sa usa ka content creator nga taga Barangay Buhangin, Davao City, human gireklamo sa tribal leaders kabahin sa iyang vlog ug gi-ingnan ang duha ka tribal elders nga ‘Luoy nga luod’ nahitabo niadtong Marso tuig 2025.

Sa eksklusibong interbyu sa DXDC RMN Davao kang ‘Tor Bagtik’ naila nga si Rico Punla gibutyag niini, nangayo siya og pasaylo ug gi-angkon ang sayop tungod sa kapaspas sa pag-istorya atol iyang pag-vlog og nalitok ang maong pulong nga makapasakit.

Segun ni Tor Bagtik, wala sya’y laing intensyon aron mapahalipay ug matabangan ang mga ka-igsuonang netibo. Napaguwa usab og public apology ang maong vlogger kabahin sa kontrobersiyal nga video, human nagbasol kini sa iyang sayup nga nahimo, rason nga gisaway siya sa mga netizen ug followers.

Karong adlawa March 6, 2025, mag-abot sa Barangay Council human gipatawag ang maong vlogger sa mga Tribal leaders nga mireklamo kaniya, aron didto husayon.

Kahinumdumang, gikasuko sa mga Dabaweño ang content sa maong vlogger, diin gipasayaw-sayaw niya ang duha ka babaeng IP elders, dayon gibungat ang mga pulong nga “LUOY NGA LUOD,” diin gikonsiderang pagyaga-yaga ug diskriminasyon sa mga lumad.

RadyoMaN Don Pulayao