Truck nabalintong, driver patay

Davao City – Dead on Arrival sa Southern Philippines Medical Center (SPMC) ang driver human nabalintong ang iyang gimanehoan nga truck sa may Marahan, Calinan ning siyudad alas 2:00 ganiha’ng kadlawon.

Sa dalan pa lang nakabsan na sa kinabuhi si Oreto Merceder, 51 anyos, ug nanimuyo sa Cagayan de Oro mao nga pag-abot sa SPMC igo na lang kini gideklara sa doktor nga patay na.

Samtang kritikal usab ang iyang kauban nga gi-ila’ng si Joselito Alibundan, 36 anyos, ug nanimuyo sa mao nga dakbayan kinsa padayon pa ginatambalan sa ospital.


Nasayran nga gikan Cagayan de Oro ang mga biktima ug mupaingon unta sa sentrong bahin sa dakbayan apan pag-abot sa nasangpit nga lugar kalit nawad-an og break ang truck.

Gisuwayan pa og maneuver ni Merceder ang manobela pinaagi sa pagpadaplin apan nibalintong naman hinoon kini resulta sa pagkasamad sa ulo ug sa mata ni Merceder nga miresulta sa kamatayon niini.

Samtang pangos sa kalawasan ang nahiagom ni Alibundan.

RadyoMaN Joel Viray

Facebook Comments