Tulo ka drug pusher nakuha’ag 14k kantidad shabu kasohan

Davao City – Kasohan karong adlawa sa San Pedro Police Station sa kasong kalapasan sa RA 9165 o Comprehensive Dengerous Drugs Act of 2002, ang tulo ka tigpayuhot og ilegal nga droga human nadakpan alas 12:33 sa kadlawon, August 1, 2023 sa Anti-Illegal Drugs Operation sa Purok 19-B, Brgy. 76-A, Bucana, Davao City.

Sa report gikan sa Prisento Dos (San Pedro Police Station) naila ang mga dinakpan nga mag ig-agaw nga sila Orlando Rama, alias ‘Kule’, 40 anyos, Sherralyn Rama, 43 anyos ug Rex Amatos, 23 anyos, parihong residente sa nasampit nga lugar.

Nahinabi usab sa DXDC RMN Davao si Police Major Marvin Hugos Station Commander sa San Pedro Police Station gisulti niya, dugay-dugay na usab kining gipanid-an sa kapulisan sa dihang gikasa ang operation naaktohan nga nagpot session ang mga suspek.

Segun ni Hugos, narekober gikan sa posisyon sa mga suspetsado, ang unom ka pakete nga gituohang shabu nga motimbang sa 9 grams, P1,000 buy bust money ug mga illegal drugs paraphernalia ug gipriso karon sa San Pedro Police Station.

Ang pagkasikop sa tulo ka dinakpan, kabahin kini sa mas gi-intensify nga kampanya kontra illegal drugs sa ilang area of responsibility (AOR).

RadyoMaN Don Pulayao