Gibalhog na karon sa prisuhan ning siyudad sa Malaybalay ang usa ka ulitawong suspek nga nasikop atol sa gipahigayong drug buy-bust operation sa mga kapulisan kagabie didto sa Purok-17, Barangay Casisang, Malaybalay City, Bukidnon.
Ang suspek giila nga si Omar Bandrang, 24 anyos, ulitawo, ug residente sa Barangay Sumpong, Malaybalay City.
Nakompiska gikan sa suspek ang duha ka mga pakete sa gituohang drogang shabu nga sa karon padayon pang ginasuta ang kantidad ug timbang niini.
Nakakustodiya na karon sa Malaybalay City Police Station ang suspek alang sa tokmang disposasyon samtang ginaandam ang kasong paglapas sa RA 9165 kon Comprehensive Dangerous Drugs Act of 2002 batok sa suspek.
Facebook Comments
