Upat ka myembro sa pamilya, patay human gi-massacre sa Midsalip, Zamboanga del Sur

Midsalip, Zamboanga del Sur – Patay ang 4 ka myembro sa pamilya ug adunay usa ka 1 year old nga bata ang wala apila og patay sa gituhuang massacre nga nahitabo kadahapon April 18, 2022 didtung dapita sa Purok 3, Brgy New Katipunan, Midsalip, Zamboanga del Sur.
Ang mga biktima nailhan kini nga sila si Lolifer Zamora Udarbe 33-anyos, Julieta Arapon Aligo 26-anyos lakip ang duha ka menor de edad.
Matod pa ni PSMSgt. Jullie Capangpangan nga grabe ka brutal ang pagpatay sa mga biktima tungod kay halos maputol ang mga ulo niini ug gani ang amahan nga si Lolifer Udarbe nahibulag ang ulo niini sa iyang lawas.
Nakadawat og report ang kapulisan kagahapon sa hapon gikan sa usa ka nagpakabana nga mulupyo kabahin sa maong insidente, rason nga dali kining ge-respondihan sa kapulisan sa lungsod sa Midsalip nga gipanguluhan ni PMaj. Juvic D. Aballe uban si Dr. Janine ann Pangandian.
Sa pagkakaron nagpadayon pa ang gihimong imbistigasyon sa kapulisan sa lungsod sa Midsalip kabahin sa maong ngilngig nga insidente.
Facebook Comments