Uput

UPUT EL UN CASA DE DOS PISO QUE TA OCUPA EL MAN CUÑADA NA MARTHA, SAN JOSE GUSU DURANTE EL QUEMA AYER SERCA MAN MEDIO DIA.
PORCAUSA BIEN LLEJERO RESPONDE EL MAGA BUMBERO SOLAMENTE EL CASA DI MARIBETH DESPALO QUE TA OCUPA TAMEN EL SU CUÑADA SI MARIA CRISELDA ANDAYA LANG EL YA MAN UPUT MASQUIN PILIT-PILIT LANG EL MAGA CASERIAS NA LUGAR.
ASEGUN CON DESPALO TA MIRA SALIDA NA TELEVISION SU IJO QUIEN UN SPECIAL CHILD ARIBA PISO PERO YA ABAHA ESTE Y NOHAY QUITA EL PLUG.
NOHAY TARDA YA OYI YA LANG SILA DOL TIENE COSA YA REBENTA Y YA SIGI YA EL GRANDE FUEGO.
NOHAY MAS SILA PUEDE PA SALVA NI NADA MAS QUE DIILA CUERPO Y DAYUN SILA YA CORRE PA AFUERA.
ASEGUN CON MARIBETH Y CRISELDA NOHAY PA SILA COME DE MEDIO DIA AQUEL HORA CIENDO TA CUSI PA LANG SILA COMIDA CUANDO YA SOSEDE EL QUEMA.
DAYUN TAMBIEN YA PUEDE CONTROLA CON EL FUEGO EL BUMBERO PERO UPUT YA EL CASA.
TOTAL DE DIES INDIVIDUAL TA ESTA NA CASA DONDE EGUAL CANDA MARIBETH Y CRISELDA TIENE TRES MAGA ANAK Y DIILA ESPOSO.
EL BUMBERO YA ESTIMA NA BEINTE MIL LANG EL DESTROSO MASQUIN TODO MAGA GADGET COMO LAPTOP Y CELLPHONE Y MAGA APPLIANCES YA SIGI QUEMA.