Veterinary quarantine checkpoints sa So.Cot, gipahugtan

General Santos City–Gipahugtan sa Provincial Veterinary Office kon PVet South Cotabato ang pagbantay sa mga veterinary quarantine checkpoints sa mga boundaries sa probinsya human nga makatala ang dakbayan sa GenSan og kaso sa African Swine Fever kon ASF.

Sa pamahayag ni Provincial Veterinary Officer Dr. Flora Bigot nga masusi nga ginainspeksyon sa mga quarantine checkpoints ang mga papeles sa mga ginabiyahe nga mga baboy ug pork products pasulod sa South Cotabato aron nga masigurado nga luwas sa virus.

Nagpahigayon usab ang PVet og disease surveillance ug pagpangolekta sa blood samples sa mga baboy sa mga barangay nga duol sa boundaries sa GenSan.

Sa kasamtangan nagpabilin nga luwas sa ASF ang South Cotabato human nga nagnegatibo sa virus ang mga blood samples nga nakolekta sa mga hog raisers ug piggeries sa nagkadaiyang munisipyo ug syudad sa nasampit nga probinsya.

Panawagan ni Bigot sa katawhan nga likayan ang pagdala sa mga baboy ug pork products nga gikan sa mga lugar nga adunay kaso sa maong sakit sa baboy.

For more info’s and updates, like and share our official facebook account: www.facebook.com/ifm91.9Gensanofficial/____ #TatakRMN
#IFMAngIdolKongFM
#RMNnetworks
#ReachingMillionsNationwide #RMNFoundation
[image: 2222222222222222222222222222222222222222222222.jpg]

Facebook Comments