Voter’s Registration matapos na ugmang adlawa

Pagadian City – Gipahinumdoman sa Commission on Elections (Comelec) Pagadian City ang publiko, ilabina ang dili rehistrado nga mga Pagadianons nga nag-edad og 15 anyos pataas, sa pagbisita buhatan sa Comelec sa dili pa matapos ang voter’s registration karong bulana.
Si Atty. Jed Labador ang City Comelec Officer niingon nga ang ahensiya nagdawatan gihapon og mga aplikasyon alang sa bag-ong botante, pagbalhin sa polling precinct ngadto sa laing presinto, correction of entries, ug reactivation sa voter’s registration.
Ang rehistrasyon sa mga botante matapos sa Enero 31, 2023.
Si Labador niingon nga ang voter’s registration kabahin sa pagpangandam sa ahensya alang sa umaabot nga Barangay ug SK elections, nga ipahigayon karong Oktubre 30, 2023.
Mahimo usab nga i-download sa mga aplikante nga libre ang registration forms gikan sa links nga gihatag sa Comelec Facebook pages, samtang adunay available nga forms sa ilang mga opisina ug off-site registration venue.
Facebook Comments