VP Leni Robredo dili makatambong sa inagurasyon ni VP-Elect Sara Duterte

30
Davao City – Gikumpirma ni outgoing Davao City Mayor ug Vice President (VP)-elect Sara Duterte-Carpio nga dili makaaadto sa iyang inagurasyon si outgoing VP Leni Robredo karong June 19, 2022 (Domingo).

Gibutyag ni Mayor Sara (sa interbyu sa city-owned radio), sa ilang nahatagan og inbitasyon sa aktibidad, aduna nay mga nagkumpirma samtang usa sa dili makatambong mao si VP Leni Robredo tungod sa laing tambongan niini nga aktibidad.

“Nag-confirm nga muanhi siya is former President Gloria Macapagal Arroyo and nag-confirm nga dili suya maka-attend because of the Naga Charter Day which will happen on the same weekend is si Vice President Leni Robredo,” butyag sa alkalde.

Samtang, gikumpirma ni Liloan Mayor Christina Frasco, tigpamaba ni VP-elect Sara nga mutambong si Presidente Rodrigo Duterte sa oath-taking sa anak niini sa Davao.

Wala pay kumpirmasyon kung mutambong usab si President-elect Fernand “Bongbong” Marcos Jr. atol sa inagurasyon.

Sa pagkakaron, nakahan-ay na ang programa ug ipatumang seguridad alang sa maong aktibidad diin kini abli alang sa publiko.



RadyoMaN Kirby Manzon

Facebook Comments