Wanted person napusilan human misukol sa otoridad

Davao City – Dili gihapon makaikyas sa kaso ang usa ka wanted person nga naospital human nga napusilan tungod sa pagsukol sa otoridad atol sa pagsilbi og warrant of arrest sa Sitio Nagayong, Barangay Mabila, Sarangani, Davao Occidental alas 4:10 sa hapon, Pebrero 1, 2023.

Sa interbyu sa DXDC RMN Davao kang Police Staff Master Sergeant Javen Basilan, personahe sa Sarangani Municipal Police Station (MPS), giila niini ang suspek nga si Toting Lituang, 37 anyos, minyo, walay trabaho, ug nag-atubang sa kasong robbery with homicide nga walay girekomendang pyansa.

Gisaysay ni Basilan nga atol sa operasyon, misulay og sukol ang suspek sa warrant officer gamit ang sundang rason nga siya napusilan. Gilayong usab nga siya gidala sa ospital ug stable na karon ang kahimtang.

“Ang atoa man gong wanted person milaban siya gamit ang sundang nga hait, sanggot. Gibadlong una (ang suspek) unya mo-attack na man gyud siya sa atoang mga personahe. Wala na (kapugong) ang atoang (tropa) kay ginadepensahan pud nila ang ilahang kaugalingon,” saysay sa niini.

Dugang sa pulis nga luwas ra usab ang warrant officer nga wala naigo sa hinagiban nga gigamit sa suspek.

Gikatakdang idiretso na usab nga ibalhog ang suspek sa Bureau of Jail Management and Penology (BJMP) nga maoy i-request sa Sarangani MPS.



RadyoMaN Kirby Manzon

Facebook Comments