Davao City – Gipahibalo sa City Government of Davao nga adunay ipahigayong payout karong adlawa (Hunyo 14, 2021) alang sa laing batch sa mga benepisyaryo sa Work for Davao.
Himuon kini alas 8:00 karong buntag sa People’s Park sa Palma Gil Street, Davao City.
Sa magkuha sa ilang subsidy, magdala lamang og government-issued valid ID, Accomplishment Report Photos, DQR Codes ID ug kaugalingong ballpen.
Sa dili maka-adto, mamahimong mag-authorize og direct family nga maoy mag-claim sa maong assistance pero magdala og ID sa mo-claim, ipa-photocopy ang ID og naay tulo ka pirma sa kilid ug Authorization Letter.
Gipahinumdom ang pagsunod sa minimum public health standards sama sa pagsuot og facemask, face shield ug social distancing. Mamahimong bisitahon ang Work for Davao Facebook Page alang sa listahan sa mga benepisyaryo nga nalakip sa payout karong adlawa.
RadyoMaN Kirby Manzon
