Ya cai, nohay man tsaguis

MUERTO EL UN 59-AÑOS DE EDAD MOJER DESPUES ESTE YA CAY NA XRM MOTORSICLO QUE TA MANEHA SU TIYO PASANDO NA BYPASS ROAD NA LUMBANGAN DEL BIERNES POR LA NOCHE.
EL VICTIMA AMO SI MARIA CECILIA BENDANO, DALAGA DE PASOBOLONG.
NA REPORT DEL DIVISORIA POLICE STATION TA APARESE ANCAS SI CECILIA NA XRM MOTORSICLO TA MANEHA SU TIYO SI SAMUEL ENCELAY BENDANO, 63 AÑOS DE EDAD, AMBOS DE PASOBOLONG, ENCAMINO YA SILA PARA BOLBE PASANDO NA BYPASS ROAD SERCA MAN ALAS 7 DEL NOCHE.
PERO LLEGAR NA LUMBANGAN, DEREPENTE YA CAY NA MOTOR SI CECILIA Y DALE SU CARA NA CEMENTO.
YA ALCANSA PA MAS DE MEJA HORA ANTES DE PUEDE LLEVA CONELE NA HOSPITAL PERO YA DESPIDI SIEMPRE EL VICTIMA.
PRIMERO TA HABLA SI SAMUEL QUE TIENE HACEGUN YA MAN TSAGUIS CANILA VAN QUE YA CAUSA PARA CAY SI CECILIA NA MOTOR PERO NA IMBESTIGACION TA APARESE QUE YA CAY LANG EL VICTIMA NA MOTOR.
Facebook Comments