Ya escapa

NA AGUA CALYENTE EL CUANTOS PULIS DEL DIVISORIA DESPUES YA PUEDE ESCAPA EL UN SUSPECHAO NA CASO DE DROGA DEL DOMINGO POR OA NOCHE.
ALAS TRES DEL TARDE DEL MISMO DIA CUANDO YAN MAN BUY-BUST EL MAGA PULIS DEL MENCIONAO ESTACION QUE YA RESULTA NA ARESTO DINWILSON BASILIO GREGORIO, UN ANTES ASSET DEL PULIS.
PERO BANDA ALAS 8 DEL NOCHE CUANDO TA MAN PROFILING YA CONELE EL MAGA PULIS HINAY-HINAY YA CAMINA ESTE PA AFUERA CON POSAS PA SU DIS PULSO.
NOHAY DAYUN PUEDE GOLE EL MAGA PULIS PORCAUSA MONTON MAGA HENTE ADENTRO DEL ESTACION PORCAUSA TIENE TAMEN MAGA SOSESO DE ACCIDENTE VEHICULAR YA SOSEDE.
AFUERA YA EL SUSPECHAO Y POSIBLE LEHOS YA ESTE CUANDO YA NOTA EL MAGA PULIS.
ASEGUN YA PUEDE PA EL SUSPECHAO TAPA SU PULSO USANDO SU CAMISA PARA HINDE BISTO DE POSAS LE.
DAYUN EL MAGA PULIS YA HACE EMBUSCADA CONELE PERO NOHAY MAS SILA PUEDE ENCONTRA.
AY ENFRENTA RECLAMO NA FREE-CHARGE SECTION EL MAGA PULIS DE QUIEN CUSTODIA YA ESCAPA EL MENCIONAO SUAPECHAO.