Yours Truly iFM July 30, 2020

19

*Yours Truly iFM*
*July 30, 2020*
*With iDol DJ Kat And iDol Bruno Banana*
*(Photo from web / No Copyright Infringement)*

Dear iFM,


Maayong hapon mga idol!

Pirmi gid ako nagapamati sa inyo kada hapon kag wala gid ako mag-expect nga mag-abot ang panahon nga makapadala man ako sang sulat sa inyo para mangayo sang advice.

Tawga niyo lang ako kay Happy, 29 years old, dalaga kag isa ka sales girl sa isa ka mall diri sa city.

Ang problema ko parte sa akon boyfriend. Nag-break kami kay nadakpan ko siya nga may iban pa gid siya nga girlfriend maluwas sa akon.




Nagdesisyon ako nga makipag-break sa iya kay pirti gid kasakit sang iya ginhimo sa akon. Nadugangan pa gid ang akon problema subong kay nahibal-an ko nga nagabusong gali ako mga apat na ka bulan.

Sa subong pirmi siya naga-message sa akon. Ginsugiran ko siya nga nagabusong ako. Nangayo man siya pasaylo kag gina-convince niya ako nga magbalikanay kami para sa amon mangin anak.

Nagaduha-duha ako mga idol nga magbalik sa iya pero galibog man ang ulo ko kung ano ang himuon ko sa akon ginabusong.

Indi ako kabalo sang akon himuon.

Kinahanglan ko gid ang inyo advice.

Yours Truly,

Happy

*Tags**:Luzon,Visayas,Mindanao,Kandingmybangs, iFM Fans Club OFW Chapter, iFM iloilo*

Facebook Comments