Inanunsyo ng Bureau of Internal Revenue (BIR) na isasailalim sa public auction ang apat na luxury vehicles na pagmamay-ari ng pamilyang Discaya.
Ang mga nasabing sasakyan ay nasamsam mula sa St. Gerrard Construction General Contractor & Development Corporation na pagmamay-ari ng naturang pamilya.
Ayon sa BIR, gaganapin ang auction sa June 29 mula alas-9:00 ng umaga hanggang alas-12:00 ng tanghali sa BIR National Office sa Quezon City.
Maaari namang inspeksyunin ng mga prospective buyers ang mga sasakyan sa June 23 mula alas-8:00 ng umaga hanggang alas-5:00 ng hapon sa BIR National Office Motorpool sa Diliman.
Kabilang sa mga ibebenta ang Mercedes-Benz Sprinter 2017, Mercedes-Benz GLS 350D AMG 2020, Range Rover LWB 2019, at Land Rover Defender 130 S 2023.
Tinatayang nasa ₱26.14 million ang kabuuang halaga ng mga nasabing sasakyan, na ibebenta sa ilalim ng “as is, where is” basis.
