Yours Truly iFM November 20, Wednesday

10

Yours Truly iFM
November 20, 2019 With RadyoMaN DJ Kat And RadyoMaN Bruno Banana (Photo from web / No Copyright Infringement)

Dear iFM,


Good afternoon mga bestfriends!

Ako gali si Kaycee kag nagsulat ako sa inyo kay may problema ako nga gusto ko gid pangayuan sang advice sa inyo.

Ang problema ko parte sa akon boyfriend. Pirti sa iya ka seloso kag wala na gid sa lugar ang iya pagselos.

Sang una ok man lang sa akon nga gaselos sa iya kay nabatyagan ko nga palangga niya gid ako.

Ang indi ko lang nagustuhan kay nakita niya ako nga nagkaon upod sang akon upod nga lalaki sa ubra. Grabe gid ang akon kakibot kag kahuya kay gulpi niya lang ginpalapitan kag ginsumbag ang akon upod sa trabaho.

Nagreklamo ang upod ko nga lalaki nga ginsumbag niya sa amon boss. Gin-ban na ang akon nobyo sa opisina kag ginhatagan ako sang warning nga pahalinon kung liwaton pa sang akon boyfriend ang iya ginhimo.

Ginakulbaan ako mga bestfriends. Indi ko gusto madulaan sang ubra kay ako nga daan ang bread winner sa amon pamilya.

Kag ginakulbaan pa gid ako kay samtang nagadugay naga-violent ang akon boyfriend.

Ano ang maayo ko nga himuon?

Yours Truly,

Kaycee

Facebook Comments

From Advertisers