1 patay , 4 ka CAFGU pilason sa pagpangluthang sang isa ka miyembro sang Philippine Army sa Maasin, Iloilo

528

Maasin, Iloilo – Isa patay samtang apat ka miyembro sang Citizen Armed Force Geographical Unit ukon CAFGU ang pilason sa pagpangluthang sang isa ka staff sergeant sang Philippine Army sa Brgy. Panalian , Maasin.

Ginkilala ang napatay nga si Albert Magarse nga may pilas sa iya likod kag naglapos sa iya nga tiyan ; pilason naman sanday Aljhon Magarse, 24 anyos nga may igo sa iya paa ; Juan Magarse, 64 anyos nga may igo sa iya likod ; Micheal Magarse, 24 anyos nga may pilas sa iya nga paa kag tiil ; George Calubayan, 45 anyos kag may pilas sa kilid sang iya lawas .

Suno kay Rene Maderable, natabo ang insidente alas 4:00 kaina sang kaagahon kon sa diin nagapapuli na siya upod ang 16 ka iban pa nga miyembro sang CAFGU halin sa baylihan sa Brgy. Ubian sang hinali lang may naglupok sang yara na sila sa Brgy. Panalian kag natiruhan na ang lima niya ka kaupdanan.

Ginpahayag ni Maderable nga si Staff Sergeant Estorco sang 12 IB sang Philippine Army nga nakabase sa Maasin, Iloilo ang nagluthang sa ila .

Padayon nga ginabulong sa hospital ang apat ka mga pilason.

Nahibaluan nga mag-utod sanday Albert Magarse kag si Aljhon Magarse.

(This is a developing story.)

(photo from web)

Facebook Comments