10ID wala gi-tolerate ang mga scalawag soldiers

70
Davao City- Hugot nga gisuportahan sa 10th Infantry Division Philippine Army ang nagpadayong imbestigasyon batok sa nadakpang sundalo sa OPLAN Paglalansag Omega -Campaign against Loose Firearms sa Criminal Investigation and Detection Group XI.

Kahinumduman nadakpan atol sa buy bust sa pagpamaligya’g high powered firearms niadtong September 6, 2022 sa Riverfront City, Diversion road, Brgy. Maa, Davao City ang suspek nga si Captain Ahmad Matawag, 36 anyos, taga-Brgy. Lanao, Kidapawan City, North Cotabato.

Nasakmit usab sa suspek ang ELISCO 5.56mm M16A1 rifle, magazine assemblies, ammunition, fragmentation grenade sa Toyota Hilux pick-up truck ug pekeng plaka.

Sumala ni Captain Mark Anthony Tito, 10ID spokesperson, wala nila gina-tolerate ang mga hiwing binuhatan sa ilang mga personahe opisyal , enlisted personnel, o civilian human resource man kini.

Gitataw ni Tito, ang pagkaaresto sa usa ka opisyal nga nadestino sa usa sa ilang mga Operational Control units nagpamatuod nga seryuso sila sa pagtaktak sa mga scalawag soldiers.

Segun ni Tito, nagpabiling transparent ang 10ID ug andam kini sa unsa man ang panginahanglanon sa PNP sa pagkab-ot sa honest ug credible nga resulta sa imbestigasyon.



RadyoMaN Aimee Guinita

Facebook Comments