Pinangalanan na ng Senate impeachment court ang apat sa amici curiae o “friends of the court” na tutulong para resolbahin ang isyu ng voting threshold sa impeachment trial ni Vice President Sara Duterte.
Pisikal na pinahaharap sa impeachment court sa darating na Setyembre 16 ang mga sumusunod na legal luminaries:
• retired Chief Justice Artemio Panganiban
• retired Chief Justice Reynato Puno
• retired Supreme Court Associate Justice Adolf Azcuna
Sa halip na physical appearance, pinagsusumite naman ng impeachment court ng legal memorandum ang dating presiding officer noong impeachment trial ni dating Pangulong Joseph Estrada na si retired Chief Justice Hilario Davide Jr.
Sakali namang kailanganin pa ng sitwasyon ay maaari namang mag-imbita pa ang impeachment court ng dagdag na mga experts.
Itinakda sa September 16 ang pagdinig ng impeachment court sa amici curiae para hingan ang mga ito ng opinyon ukol sa voting threshold sa conviction ni VP Duterte.
Matatandaang nag-manifest si Senator Erwin Tulfo sa gitna ng impeachment trial tungkol sa posibilidad na baguhin ang 2/3 o 16 na voting threshold sa pag-convict sa bise lalo’t apat sa mga senador ang hindi makadalo sa impeachment trial.
Ang mga ito ay sina Senators Rodante Marcoleta at Jinggoy Estrada na nakakulong sa kasong plunder, si Senator Bato dela Rosa na patuloy na nagtatago at si Senator Loren Legarda na extended ang medical leave.
