11 ka mga miyembro sang BIFF kag 2 ka NPA nagsurender sa 40th Infantry Magiting Batallion.

Ginpresentar sang 40th Infantry (Magiting) Battalion sa pagpamuno ni Lt/Col Edwin Aburo ang nagsurender nga 11 ka mga miyembro sang Bangsamoro Islamic Freedom Fighters kag 2 ka miyembro sang New Peoples Army kay Col. Oriel Pangcog, Brigade Commander sang 601st Infantry (Unifier) Brigade, 6th Infantry Division, Philippine Army.
Gintambonganan naman ang nasambit nga aktibidad nanday Sultan Sa Barongis Mayor Mamatanto M. Mamantal, Roger Dionisio, Focal Person sang AGILA HAVEN sang probinsya sang Maguindanao.
Nangin madinalag-on suno pa ang pagsurender sang mga miyembro sang armado nga grupo sa pagpakig-angot kag pagbinuligay sang lokal nga panggobyerno kag mga pumuluyo sa banwa sang Sultan Sa Barongis, General Salipada K Pendatun kag Datu Paglas, Maguindanao.
Makabaton naman sang bulig pinansyal, livelihood, housing kag legal assistance kag madamo pa nga benepisyo ang mga former rebels agud nga makabulig sa ila pagpangabuhi sang matawhay.
Nagpasalamat naman si COL. Pangcog sa mga lokal leaders kag mga pumuluyo tungod sa kooperasyon kag padayon nga suporta sa gobyerno nga nagresulta sang kadalag-an sang kampanya batok terorismo kag kriminalidad sa mga nasakupan nga lokalidad.
Facebook Comments