Pamunuan sang South Cotabato Provincial Jail may pangalan na sang preso nga suplayan sang ginahaboy nga illegal drugs.

May impormasyon na siya kon sin-o nga preso ang suplayan sang ginahaboy nga illegal drugs sa South Cotabato Rehabilitation and Detention Center, suno kay OIC Provincial Jail Warden Lory Celeste.
Ini matapos nga yara naman sa 12 ka jumbo sachets sang ginapatihan shabu nga ginabulubanta nagakantidad sang masobra P400K ang ginhaboy sa Provincial Jail alas 6:30 kagaina sang aga.
Nahibaluan nga narekober ang nasambit nga illegal drugs, samtang nagapatigayon sang clearing operation sa compound ang jail personnel.
Ginkumpirmar ni Celeste nga sa sulod sang apat ka bulan nga pagpungko niya bilang OIC Warden apat na ka bes nga may ginhaboy nga illegal drugs sa sulod sang Provincial Jail kag masobra naman sa P1 million ang narekober nila nga druga.
Ginsiguro niya man nga butangan sang suga kag CCTV ang gwa sang pasilidad agud nga makilal-an ang nagahaboy sang illegal drugs sa sulod sangProvincial Jail.
Facebook Comments