12 anyos rape case: 4 persons of interest giimbestigahan sa Eden PNP

Davao City – Aduna nay mga person of interest nga gitutokan karon sa nagpadayong imbestigasyon sa Eden Police Station sa pagpanguna ni PMaj Jonnel Bonguyan Station Commander sa rape murder case sa Barangay Sibulan, Toril District, Davao City.

Sa eksklusibong interbyu sa DXDC RMN Davao sa hepe gibutyag niini, aduna silay upat ka mga tawo nga posibleng suspek sa pagpatay sa usa ka menor de edad nga giingong gilugos ug gipatay sa Sibulan, Toril , syudad sa Davao niadtong Sabado (December 3, 2022).

Sumala ni Bonguyan, ang upat ka mga person of interest pulos hamtung ang pangidaron ug subay sa saysay sa wala nagpailang testigo, kining upat ka mga tawo ang nakita nga mi-agi sa crime scene sa dihang nahitabo ang krimen.

Segun ni Bonguyan, buhaton nila ang tanan aron mahatagan og hustisya ang kamatayon sa biktima.

RadyoMaN Paul Canono

Facebook Comments