Sa interbyu sa DXDC RMN Davao kang Jenielito Atillo, tigpamaba sa DepEd-XI, gipasabot niini nga bisan og aduna nay direktiba ang national government ug City Government of Davao sa optional nga paggamit sa face mask, kinahanglan gihapon nga mag-face mask ang mga estudyante ilabi na sa maong mga panagtapok o gatherings aron sila malikay sa risgo sa virus.
“Sa part of the Department of Education, we will still implement very strict (the) health and safety protocols (against COVID-19) and that includes the use of face mask unless and until a guideline is being provided to that effect,” sulti ni Atillo.
Dugang sa DepEd-XI official, magpabiling boluntaryo ang pagpahigayon og Christmas parties sa mga eskwelahan ug dili angay pugson ang estudyante o DepEd personnel sa pagpartisipar sa maong aktibidad.
RadyoMaN Kirby Manzon
