130 ka mga indibidwal lakip na mga kabataan biktima sang food poisoning sa Lake Sebu, South Cotabato.

32
Nagalab-ot sa 130 ka mga indibidwal lakip na mga kabataan ang nabiktima sang food poisoning sa Lake Sebu, South Cotabato sang Dominggo nga adlaw base sa datos sang Municipal Health Office.
Suno kay Lake Municipal Health Officer Dra. Jocelyn Bayquin sa nasambit nga numero 109 ang nadextrose nga halos nadischarge naman kag 21 ang outpatient.
Samtang kadam-an naman suno pa sang mga biktima ang halin sa Brgy. Tasiman kag Lamfugon sa nasambit nga banwa.
Nakabatyag suno kay Dra. Bayquin sang pagsuka-suka, sakit sa ulo, tae-tae ang mga biktima matapos nga makakaon sang gindala nga pancit kag bihon nga halin sa isa ka pagtililipon sa barangay Tasiman.
Ginpahayag ni Dra. Bayquin nga nakontrol man nila ang kaso sang food poisoning, matapos nga wala man sang narekord nga nabawian sang kabuhi.
Apang sa subong ginapamonitor niya sa mga barangay Kapitan kon may mga residente pa sini ang biktima sang food poisoning nga wala nakalakat sa health facility.
Ginsalo naman suno pa sang local government unit sang Lake Sebu ang balayran sa medikasyon sang mga biktima.
Advice naman ni Dra. Bayquin sa tanan nga indi na magdala sang pagkaon kon may tambongan nga pagtililipon kag kon mahimo magbalon na lang agud malikawan ang insidente sang food poisoning.
Facebook Comments