Zamboanga City-Ya man award el Police Regional Office 9 con disi ocho maga miembros del PNP quien ya dale mira buen performance na diila servicio .
Ya recivi Medalya ng Kagalingan o PNP Merit Medal amo canda Police Superintendent Dominador Matalang del Regional Intelligence Unit 9 , P/SINSP Lee Jan Ungria , P/SINP Leonel Roncesvalles , Spo2 Jess Rick Mendoza , Spo2 Ronaldo Remoto , Spo1 Edylyn Dato , Spo1 Armela Angeles , Po3 Lunvie Ortega , Po3 Rodel Vergara ,po3 Eric Montanez y Po2 Almonjade Luddin .
El mencionao maga police amo el responsible na aresto con dos miembros del ASG identificao como si Isa Sampang y Paisar Sampang na Barangay de Mriki del enero 27,2018 el dos ASG ta enfrenta el kaso de kidnapping y serious illegal detention y embuelto na Kidnapping cun kinse empleyado del Golden Harvest Plantation na Tairan Lantawan del Hunio 11,2001.
Puera cuneste semehante award tambien ya recivi el Hefe del Culianan Police Chief Inspector Hazel Fernandez , Spo4 Orlando Gellecania , Spo3 Eduardo Covarrubias , Po2 Asmie Joe y Po1 Edgar Gaganting , quien tambien ya puede aresta conel notorioso miembro del ASG identificao como si Mudrim Akbar na barangay de Sangali del enero 23,2018.
Na mismo tiempo ya recivi tambien semehante award si Police Senior Inspector Felixberto Rule del Zamboanga del Sur PPO , Police Inspector Marjan Sali y PO1 MC Stuart Balang ambos de Regional Mobile Foces Battalion 9 y Police Senior Inspector Oscar Buenaobra del Regional Intelligence Division 9 .
