Davao city – Ipasaka ngadto sa korte ang kaso sa upat ka mga drug pushers human nakitaan og igong gibug-aton ang mga ebidensiya sa piskalya nga gisumite sa Sasa PNP.
Si City Prosecutor Jedyl Jamaca-Uno nakakaplag og probable cause aron isaka sa korte ang kaso batok sa upat ka mga drug pushers nga sila Dennis Polinar, Ferdinand Mondigo, Alvin Padero, ug Jomarie Olaveja nga pulos nagpuyo sa Panabo City Davao Del Norte.
Base sa resulta sa Laboratory Examination nag positibo sa methamphetamine ang kapin usa ka gramo sa shabu nga nakumpiska gikan sa mga suspek.
Magpaabot na lamang ang kapulisan sa Sasa sa ipagula nga kamandoan sa korte aron hingpit na madala sa Davao City Jail ang upat ka akusado gikan sa selda sa presinto 4.
Ang mga suspek nakasupak sa section 5, 11, 13 ug 14 sa Republic Act 9165 kun Comprehensive Dangerous Drugs Act of 2002.
Nasayran, nadakpan ang nasangpit nga mga suspek sa gilusad nga buy-bust operation didto sa syudad sa Panabo niadtong nakalabay nga adlaw ug nakuha ang mga ebidensya gikan kanila.
RadyoMaN Joel Viray
