19 anyos nakuhaan ug armas-tingkagol

6

General Santos—Balhog na sa Silda sa Police Station 5 ang usa ka Abner Lumabat, 19 anyos nga taga Purok Cabu, Barangay Bawing, Gensan human kining nakuhaan ug Homemade Hand Gun ug usa ka buhing bala didto sa Purok Darusalam, Barangay Bawing alas 10:00 ang takna sa gabie.

Sa report sa Police Station 5 nasuta nga ayha nadakpan ang suspek adunay natigayong kagubot sa lugar nga gikalambigitan sa suspek ug uban pang mga batan-on.

Mirespondi ang Purok Chairman sa maong purok nga si Haude Dagandal aron uwangon ang away apan iyang namatikdang dunay nagbukol sa hawak sa suspek maong ila kining gisita uban sa iyang mga Purok tanod.

Didto nakit-an ang pusil sa hawak sa suspek mao nga ila dayon kining gikumpiska ug gisikop ang nasampit ug giturn-over sa Police Station 5.

Gawas sa kasong kalapasan sa RA 9165 posibleng mag atubang usab kini ug kasong may kalabutan sa gipatumang Comelec gun ban.

Facebook Comments