NATIONAL NEWS|Pipila pa ka mga kompanya sa lana ang nagpatuman na usab sa usbaw sa presyo sa ilang mga produkto.

Nagpatuman sa SeaOil, Flying V, Phoenix Petroleum, Eastern Petroleum, Caltex, Jetti Pump, Petron ug Total ang P0.70 dugang sa presyo sa matag litro sa gasolina ug diesel.

Anaa usab sa P0.35 ang usbaw sa presyo sa SeaOil, Caltex ug Flying V sa matag litro sa kerosene.

Unang nagpa-usbaw sa ilang presyo ang Shell, PTT Philippines, Petron ug Petro Gazz kung asa anaa sa P0.70 ang usbaw sa gasolina ug diesel.


Nagpatuman usab ug P0.35 usbaw sa presyo ang Shell sa matag litro sa kerosene.

Gipatuman sa mga kompanya ang mga bag-ong presyo sugod alas-6 sa buntag gawas sa Caltex nga nagpatuman na ug usbaw sa presyo sa ilang mga produkto alas-12 sa tungang gabie.

Facebook Comments