2 ka driver sang motorsiklo patay, matapos nga nagbungguanay sa Koronadal City.

27

Patay ang duha ka mga driver sang motorsiklo sa nagluntad nga disgrasya sa national highway sa Purok Mesias, Brgy. Paraiso, Koronadal City, South Cotabato alas 5:15 sang hapon, kahapon nga adlaw, Nobyembre 8, 2020.
Imbolbado sa nasambit nga insidente ang isa ka unit sang Honda XRM motorcycle, ginamaneho ni Larino Odong Tawi, 25-anyos kag residente sang Brgy. Klubi, Lake Sebu, South Cotabato kag isa ka unit sang Honda CB125 motorcycle, ginamaneho ni Ronnie Palibayan, 32-anyos kag residente sang Purok Mesias, Brgy. Paraiso, Koronadal City.
Suno kay Police Staff Sgt. Leo Dimaculangan sang Koronadal City Traffic, base sa ila imbestigasyon ang Honda XRM ang halin sa Koronadal City padulong sa banwa sang Banga, apang pag-abot sa kurbada nga bahin sang highway sa Purok Mesias, Brgy Paraiso sa unhan sang Golden Valley Memorial Garden, nagluntad ang head-on-collision sa Honda CB125 nga nagasubay sa opposite direction, apang naagaw sini ang linya.
Resulta ang duha ka mga driver sang motorsiklo ang tigayon nga nabawian sang kabuhi samtang ginapaidalom sa medikasyon sa South Cotabato Provincial Hospital tungod sa naangkon nga seryoso nga pilas sa mga nagkalain-lain nga parte sang ila lawas.

Facebook Comments