2 lalaki nanglungkab og vape shop sa Bansalan arestado

32
Davao City – Kasong robbery ang atubangon sa duha ka mga lalaki human kini nanglungkab og usa ka vape shop sa Barangay Poblacion Dos, Bansalan, Davao del Sur.

Sa report sa Bansalan Municipal Police Station (MPS) giila ang mga dinakpan nga sila Phillip Roy B. Flores, 19 anyos, residente sa Cosmos Street, Brgy. Poblacion Dos, Bansalan, Davao del Sur ug John Rio C. Dacubar, 27 anyos, residente sa CM Recto St., Brgy. Poblacion Dos, Bansalan sa maong probinsya.

Arestado ang nahisgutan atoll sa gikasang entrapment operation sa pagpanguna sa Bansalan MPS uban ang Davao del Sur Police Provincial Office (DSPPO) Provincial Intelligence Unit (PIU), 1104TH Regional Mobile Force Battalion (RMFB) Intel Personnel ug 2nd Davao Sur Provincial Mobile Force Company (DSPMFC).

Nakuha sa posisyon sa mga suspek ang nagkadaiyang brands sa vape, cellphone, marked money ug mga accessories diin ang tanan nagkantidad og P60,000.

Anaa na ka sa kustodiaya sa Bansalan MPS ang mga dinakpan.

RadyoMaN Kirby Manzon

Facebook Comments