22-anyos nga babaye ginbuno sang dati nga karelasyon tungod sa selos.

30
Scratched red oval stamp with the words - the police - illustration

Selos ang nakit-an nga rason kon ngaa ginbuno sang dati sini nga karelasyon ang 22-anyos nga babaye sa Tampakan, South Cotabato, alas 5:30 sang hapon sang Nobyembre 4, 2020.
Ginkilala ang biktima kay Dimple Dacoy Salutan, 22-anyos, single, food clerk sang Herana Eatery kag residente sang Purok African Daisy, Brgy Poblacion sa nasambit nga banwa nga nakaangkon sang pilas sa idalom sang wala nga parte sang iya nga dughan, tiyan kag tuo nga kamot.
Samtang ang suspek ang ginkilala naman kay Richard Dialang Guale, 27 –anyos, single, mangunguma kag residente sang Purok Milagrosa, Brgy Poblacion sa nasambit nga banwa nga nadakpan naman sa ginpatigayon nga pursuit operation sang Tampakan MPS.
Sa imbestigasyon sang Tampakan MPS ang suspek kag biktima ang nag-updanay sa sulod sang duha ka tuig kag bag-o lang nagbulagay.
Suno pa ang suspek ang nagduda nga may-yara na sang iban nga lalaki ang dati nga karelasyon sini amo nga nahimo ang krimen.
Natalana naman nga ipasaka ang nagakaigo nga kaso batok sa suspek.

Facebook Comments