3 suspek sa dunggab arestado ug gikasohan

27

Davao City – Gikasohan og Frustrated Murder ang tulo ka mga suspetsado sa pagpanunggab sa usa ka mag-uuma sa Cabadiangan, Brgy. Igangon, San Isidro, Davao del Norte.

Giila sa San Isidro Municipal Police Station ang mga suspek nga sila Arnelo Maratas Saligan, Armando Maratas Saligan ug Julito Conte Asad, kinsa matud pa nanunggab sa biktimang si Climton Sumambot, 27 anyos, gamit ang ice pick.

Pinaagi sa usa ka saksi sa insidente nailhan ug naaresto ang tulo ka mga suspek.

Matud sa kapolisan nga dumot tungod sa bangi tali sa biktima ug mga suspek ang hinungdan sa pagdunggab.

Samtang si Sumambot padayon karong nagpaalim sa Kapalong District Hospital.

RadyoMaN Aimee Guinita

Facebook Comments