Davao City – Muabot sa 37 ka mga wanted persons ang naaresto sa kapulisan sa Davao Oriental sa bulan sa Marso 2023.
Sa datos nga gipagula sa Davao Oriental Police Provincial Office (DOPPO), gikan Marso 1-31, 2023 anaa sa 25 ka most wanted persons ang naaresto samtang 12 ka laing wanted persons ang nadakpan.
Sa maong bulan, anaa sa walo ka illegal drug operations ang napahigayon, diin napulo ang naaresto ug muabot sa kapin P91,000 ang kantidad sa iligal nga droga ang ilang nasakmit.
Sa illegal gambling, anaa usab sa walo ka operasyon ang olang nahimo diin 34 katao ang nadakpan ug anaa sa kapin P4,500 ang kwarta’ng nakumpiska.
Nagpasalamat ang awtoridad sa kooperasyon sa publiko sa pag-report sa mga indibidwal nga nagabuhat og iligal nga aktibidad sa palibot.
RadyoMaN Kirby Manzon
Facebook Comments
