Arestado ang isang lalaking kabilang sa Top 3 Most Wanted Person sa municipal level matapos isilbi ang warrant of arrest laban sa kanya sa Barangay San Pablo, Umingan, Pangasinan.
Batay sa press release na may petsang Oktubre 29, 2026, ang pag-aresto ay isinagawa ng mga awtoridad sa bisa ng warrant of arrest na inilabas ng Regional Trial Court (RTC) Branch 52 sa Tayug, Pangasinan, kaugnay ng kasong Rape by Sexual Assault.
Nakatakda sa ₱200,000 ang piyansang iniulat para sa pansamantalang paglaya ng akusado.
Sa kasalukuyan, pansamantalang nakapiit ang suspek sa himpilan ng Umingan Police Station habang hinihintay ang mga susunod na prosesong legal.
Ayon sa ulat na inilabas sa awtoridad ni PMAJ Jimmy P. Paningbatan, hepe ng Umingan Police Station, bahagi ang pag-aresto sa patuloy na kampanya ng kapulisan laban sa mga wanted person upang maipatupad ang mga umiiral na kautusan ng hukuman.
Patuloy namang pinaaalalahanan ang publiko na igalang ang proseso ng batas at ang karapatan ng bawat indibidwal habang dinidinig ang mga kasong kinakaharap nito. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
