4S strategy hugot nga ginaduso sa Provincial Health Office batok sa Dengue

23
Mipahimangnu karon ang Provincial Health Office (PHO)-Bukidnon nga ipadayon ang pagsunod sa 4S strategy batok sa kaso sa Dengue.

Sa interview sa RMN Malaybalay ngadto kang Dondon Pagote, Provincial Dengue Coordinator sa PHO-Bukidnon, gibutyag niya nga kinahanglan i-implementar sa barangay padulong ngadto sa household level ang pagpatuman sa 4S strategy.

Dili na kinahanglan pa nga maghulat ang katawhan sa mga health workers sa pagpahigayon niini kon dili sila na mismo ang mulihok pag-implementar sa maong istratehiya.

Ang 4S mao ang Seek and Destroy, Self Protection Measures, Seek Early Consultation ug ang Support Fogging and Spraying.

Man gani gisulti ni Pagote nga ang munisipyo sa Quezon, nagpahigayon og laing istratehiya sa pagpakigbatok sa Dengue diin gidayeg niya ang pag-ubos sa mga natalang kaso sa maong sakit.

Ginaimplementar sumala pa sa Quezon ang “Pito-Pito” Strategy diin gapahigayon matag Biyernes og clean-up drive ug “cease and destroy” activity.



Pamatood matud pa nga epektibo ang 4S strategy sa pagpakigbatok sa Dengue.

Facebook Comments