4th ID, gipamugos nga nagkahinay na ang mga NPA

46

Gipasigarbo sa kasundaluhan nga nagkahinay na ang puwersa sa kalihukan sa mga NPA.

Sa interview sa RMN Malaybalay ngadto kang Cpt. Reggie Go, ang deputy Division Public Affairs Office Chief sa 4th Infantry Division gibutyag niini nga daghan na ang mga barangay ang ilang na cleared gikan sa mga NPA.


Daghan na usab daw nga mga NPA member ang nitahan dala ang ilang mga armas. Timailhan matud pa kini nga nagkahinay na ang puwersa sa mao nga grupo.

Daghan na usab matud pang masa ang wala na nagsuporta sa kalihukan.

Isolated cases na lang usab daw ang gihimo nga pagpangatake sa mga NPA sa mga kompanya ug pagpakita na lang kini nga daw kusog pa ang mga NPA bisan pa man nga nagkahinay na.

Una niini, aminado si Bukidnon Governor Jose Maria R. Zubiri Jr. ang regional chairman sa Regional Development Council kon RDC 10 nga problema pa gihapon ang insurhensiya sa Northern Mindanao.

Nabalaka usab siya nga kung dili masulbad ang problema sa insurhensiya, mukaylap pa kini sa ubang bahin sa nasud.

Aminado usab si Zubiri nga dili gayod masulbad ang problema sa New People’s Army sa Bukidnon hangtod dili masulbad ang kapobrehon.

Sigun sa gobernador nga kung kaniadtong walay mga lumad nga mga miyembro sa NPA apan karon 90% na sa mga sakop niini mga lumad gikan sa Bukidnon, Agusan ug sa Davao Region.

Facebook Comments

From Advertisers