59 ka mga establishemento sa region 12 naghingyo sang exemption sa implementasyon sang P10 wage increase, 54 aprobado sang RTWPB 12.

16

Nagalab-ot sa 59 ka mga distressed establishments sa rehiyon dose nga apektado sang COVID-19 pandemic ang nag-apply sang exemption sa implementasyon sang second trance sang wage order 21 nga P10.00 sa Regional Tripartite Wages and Productivity Board (RTWPB) 12.
Sa 59 ka mga establishemento suno kay RTWPB 12 Secretary Jessie dela Cruz, 54 na dire ang naaprobahan sang wage board ang ila nga exemption sa implementasyon sang P10.00 nga dugang nga sweldo sa mga empleyado.
Samtang ang lima suno sa iya ang pending pa ang aplikasyon tungod wala pa nakasubmitir sang nagakaigo nga requirements.
Lakip sa i-comply sang kumpanya nga requirements sa pagpangayo sang exemption ang affidavit, total losses kag aprobado sang grupo sang mga empleyado ang pagpaiway sang wage increase.
Apang suno kay Dela Cruz kon nakahatag na ang kumpanya sang second trance sa mga empleyado ang indi na lang pagbawion matapos nga nag-epektibo ini sang Mayo 1 pa subong nga tuig.
Magadugay naman ang wage exemption tubtob sa Pebrero 2021.

Facebook Comments