Davao del Sur – Dakoan ang tulo ka mga hamtong usa ka babaye ug duha ka lalaki atol sa usa ka entrapment ug rescue operation batok sa Online Sexual Abuse and Exploitation of Children (OSAEC) sa Purok Acacia, Barangay San Jose, Digos City, Davao del Sur niadtong Hulyo 18, 2026.
Sa operasyon, na-rescue sa mga otoridad ang unom (6) ka menor de edad nga giingong nalakip sa biktima sa online exploitation ug duha pa ka mga bata nga giilang child-at-risk. Gipatuman usab ang Warrant to Search, Seize, and Examine Computer Data sa balay sa mga suspek.
Atol sa pagsusi sa mga digital device, nadiskubre ang mga Child Sexual Abuse or Exploitation Materials (CSAEM). Nakit-an usab sa balay ang gituohang shabu nga may gibana-banang gibug-aton nga 6.30 gramos ug balor nga kapin ₱42,000.
Ang mga bata gitugyan sa City Social Welfare and Development Office alang sa pag-atiman ug interbyu, samtang ang mga nadakpan anaa sa kustodiya sa Digos City Police Station ug giandam na ang mga kasong ipasaka batok kanila.
Subay niini nagpahimangno si DOJ-Regional Prosecution Office XI, Regional Prosecutor Atty. Janet Grace B. Dalisay-Fabrero sa tanang ginikanan nga hatagan og pagtagad ang mga kabataan, magmabinantayon kanunay ug mamahimong maayong ihemplo aron malayo sa hulga ug risgo ang mga bata sa bisan unsang matang sa pagpahimulos.
RadyoMaN Kareen Beltran
Sa operasyon, na-rescue sa mga otoridad ang unom (6) ka menor de edad nga giingong nalakip sa biktima sa online exploitation ug duha pa ka mga bata nga giilang child-at-risk. Gipatuman usab ang Warrant to Search, Seize, and Examine Computer Data sa balay sa mga suspek.
Atol sa pagsusi sa mga digital device, nadiskubre ang mga Child Sexual Abuse or Exploitation Materials (CSAEM). Nakit-an usab sa balay ang gituohang shabu nga may gibana-banang gibug-aton nga 6.30 gramos ug balor nga kapin ₱42,000.
Ang mga bata gitugyan sa City Social Welfare and Development Office alang sa pag-atiman ug interbyu, samtang ang mga nadakpan anaa sa kustodiya sa Digos City Police Station ug giandam na ang mga kasong ipasaka batok kanila.
Subay niini nagpahimangno si DOJ-Regional Prosecution Office XI, Regional Prosecutor Atty. Janet Grace B. Dalisay-Fabrero sa tanang ginikanan nga hatagan og pagtagad ang mga kabataan, magmabinantayon kanunay ug mamahimong maayong ihemplo aron malayo sa hulga ug risgo ang mga bata sa bisan unsang matang sa pagpahimulos.
RadyoMaN Kareen Beltran
Facebook Comments
