Agosto 19 gideklarang special (non-working) holiday sa Davao

49
Davao City – Nalipay angDavaoeños nga gideklarang special (non-working) holiday ang Agosto 19, 2022 (Biyernes) dinhi sa syudad subay sa selebrasyon sa Kadayawan Festival karong Agosto.

Subay sa Proclamation No. 39, gideklara ang Agosto 19 isip special (non-working) day sa dakbayan subay sa selebrasyon sa Indigenous People’s Day dungan sa okasyon sa Kadayawan.

“I, Victor D. Rodriguez, Executive Secretary, by authority of the President, Ferdinand R. Marcos Jr., do hereby declare Friday, 19 August 2022, a special (non-working) day in the City of Davao,” nakalatid sa proklamasyon.

Kini paghatag og panahon ug oportunidad sa katawahan sa dakbayan nga makaduyog ug makaapil sa okasyon kung asa daghan ang nakalinyadang aktibidad diin pipila sa gina-atangan mao ang Indak-Indak ug Pamulak sa Kadayawan.

Padayon usab nga gipanawagan sa national government sa Davaoeños ug sa mga makigduyog sa aktibidad nga sundon ang ginapatumang minimum public health standards batok Coronavirus Disease 2019 (COVID-19).

RadyoMaN Kirby Manzon



[image: width=] <www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments