Sa interbyu sa DXDC RMN Davao kang Police Major Nelson Violan Jr., Station Commander sa Baliok Police Station, giila niini ang suspek nga si Glenn Free Cemini, alyas Tom2x, 19 anyos, residente sa nahisgutang lugar.
Saysay ni Violan, gibilin sa batan-on ang yellow nga karton box atubangan sa sari-sari store nga nasaksihan usab sa silingan niini nga sila Rosie Alipaopao, 59 anyos ug Jenny Alipaopao, 18 anyos diin girason sa suspek nga kini basura, dayon giingong kini adunay sulod nga importanteng dokumento.
Pagrekisa sa pulis human kini gireport, nakuha sa sulod sa karton ang 19 ka pakete sa dahon sa marijuana nga mutimbang og 300 gramos ug mukantidad sa kapin P45,000.
“Tama-tama pud niabot ‘tong lalake nga gina-claim na ‘tong karton kay ang sulod daw ato mga papeles. Pagtan-aw sa pulis (kay) marijuana. Mao ‘tong gi-hold ang (suspek). Didto na nagsugod,” saysay ni Violan.
Pahimangno sa awtoridad, likayan ang iligal nga droga ilabina gyud sa mga batan-on nga inay mu-eskwela, padulong na hinuon sa prisohan.
RadyoMaN Kirby Manzon
[image: width=] <www.avast.com/sig-email?utm_medium=email&utm_source=link&utm_campaign=sig-email&utm_content=webmail>
