Dalawang tao, kabilang ang live-in partner ng suspek, ang nasugatan matapos silang saksakin sa isang insidente na nag-ugat sa pagtatalo dahil sa malakas na tunog ng sound system, noong Mayo 30, 2026.
Ayon sa pulisya, nagkaroon ng mainitang alitan sa pagitan ng suspek at mga biktima na nauwi sa pisikal na komprontasyon. Gumamit ang suspek ng kutsilyo at inatake ang dalawang biktima. Ang live-in partner nito ay nagtangkang umawat ngunit aksidenteng nasugatan sa braso.
Agad na dinala sa ospital ang mga biktima at kasalukuyang nasa stable na kondisyon. Nagsagawa ang pulisya ng hot pursuit, na nagresulta sa pagkakaaresto ng suspek at pagkakarekober ng ginamit na patalim.
Ang suspek ay nasa kustodiya na ng Asingan Municipal Police Station para sa kaukulang imbestigasyon at disposisyon ng kaso. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
Facebook Comments
