Anum ka mga miyembro sang Communist Terrorist nagsurender sa kapulisan sa South Cotabato.

14
Nagsurender ang anum ka mga miyembro sang komunista nga grupo sa kapulisan sang South Cotabato Provincial Police Office matapos ang pagtinguha nga hangkaton nga magbalik sa sabak sang gobyerno.
Suno kay PCol Nathaniel G Villegas, Provincial Director sang SCPPO, sa adlaw mismo sang ika-53 nga anibersaryo sa pagtukod sang NPA boluntaryo nga nagsurender ang lima ka mga miyembro sang GF 73 FSMR kag isa ka mass supporter sang guerrilla front alip (GF 72).
Dala man sang mga ini sa pagsurender ang armas luthang.
Pahayag ni PCol Villegas, nga resulta ini sang ginpatigayon nga community outreach programs sang SCPPO sa probinsya ilabi na sa mga lugar sa diin nagaoperate ang mga CTG.
Angot sini nakabaton sang cash assistance kag grocery items nga ginalakipan sang bugas kag can good ang mga nagsurender nga mga miyembro sang CTG.
Samtang hangkat ni PCol. Villegas sa mga aktibo pa nga miyembro kag tagasuporta sang CTG kag sa ila mga lider nga magbalik na sa sabak sang gobyerno agud nga mabaton ang matuod-tuod nga serbisyo sang gobyerno kag ang bulig nga ginatanyag paagi sa Enhanced Comprehensive Local Integration Program (E-CLIP) kag agud nga buligan sila nga makabuo sang bag-o kag normal nga kabuhi upod ang ila mahal sa kabuhi.
Facebook Comments