Sa pakighinabi sa DXDC RMN Davao kang Rowena Mosa nga residente sa maong lugar, iyang gisaysay nga samtang namasura ang iyang mga apo aron aduna’y pambaon sa pagbalik sa eskwela, kalit ra nga midahili ang basura ug naligid ang iyang duha ka apo atol sa maong hitabo apan dali sab kini nga nabira sa iyang bana rason nga naluwas kini.
Dugang pa niya nga grabe ang iyang hilak ug kakulba human sa maong pagdahili tungod bag-ohay pa lang sab namatay ang iyang anak nga amahan sab sa duha ka bata ug dili siya gusto nga mawala kini. Gani, dako sab ang iyang pagpasalamat sa Ginoo tungod gitagaan pa sila og grasya nga luwason ang iyang mga apo.
Sa karon, mihawa na sila sa maong lugar og kasamtangan nga niadto sa taas nga bahin sa maong Brgy., samtang nanawagan sab siya ug naghangyo og tabang sa gobyerno nga unta adunay relocation nga itanyag alang kanila aron aduna gihapon sila’y kapuy-an human sa maong landfill landslide.
RadyoMaN Wil Duran
