Davao del Norte – Patay ang usa ka 56-anyos nga lalaki human gitigbas sa kainom sa Sitio Milyong, Brgy. Sto. Niño, Talaingod, Davao del Norte adlaw’ng Martes alas-6:30 sa gabii.
Base sa imbestigasyon sa Talaingod Municipal Police Station, nag-inom ang biktima uban sa iyang mga farm laborers duol sa iyang umahan sa dihang kalit mitungha ang suspek dala ang sundang ug nanigbas ngadto sa biktima sa makadaghang higayon.
Nakahiagom og daghang samad sa lain-laing parte sa lawas ang biktima samtang ang suspek mikalagiw padulong sa wala matino nga direksyon human sa insidente.
Dali sab nga gidala ang biktima ngadto sa Kapalong District Hospital apan gideklarang dead on arrival sa attending physician. Sa pagkakaron, padayon ang hot pursuit operation sa kapulisan aron madakpan ang suspek.
RadyoMaN Kareen Beltran
Facebook Comments
